越男仔 Express

營業中

休息中

同朋友約好咗過嚟呢邊玩，不過時間有啲趕，所以咩都唔諗直接喺food court嗰度見到有咩啱食就坐低食。睇咗幾間餐廳出嘅餐，見呢間越南餐廳嘅食物睇落唔錯，就揀咗款蔥油配香茅豬扒拼脆雞翼黃薑飯。食物賣相都唔錯而且份量十足，黃薑飯飯粒，粒粒分明，軟硬我覺得適中。雞翼同豬扒就冇咩溫度，都係預製好放喺度，連翻熱都冇。味度唔難食但係都唔係特別好食，就係快餐嘅水準同埋醫飽肚嘅程度。送埋碗餐湯搭多隻雞腳😂

去稅務中心，順道來吃個越南粉Q必點豬頸肉撈檬，第一次脆皮的豬頸肉！外皮似燒豬的脆豬皮，內裡油脂層肉均勻，一口下去不膩，配上撈檬梗清爽；撈檬配上多種蔬菜，夏天吃實在太清爽了！

Airside Food Court 有很多食物選擇。其中一間名為「越南仔 Express」提供多元化的越式小食及套餐 ～🌟一週年優惠推出的套餐頗為吸引：$49 就可以享用豬扒黃薑飯，另加 $11 可配小食和飲品。但由於優惠只限套餐，所以實際上必須至少支付 $60（$49+$11） 🙃 這種文字遊戲讓人有點無奈，但整體性價比其實還算不錯，畢竟套餐的飽足感和味道都令人滿意 😋👍🏻🔥 主菜：豬扒黃薑飯 🐷套餐的主角是豬扒黃薑飯。先來說豬扒，份量相當大塊，而且醃製入味，肉質不柴，表皮煎得微焦，帶有陣陣香氣，口感上非常令人滿意。配搭的黃薑飯也是一大亮點，米飯粒粒分明，黃薑的香氣濃郁卻不過分搶味，與豬扒相得益彰。🔥 額外加配：特色樽仔奶茶 🤎我還額外付$4 加配了特色樽仔奶茶。這款奶茶使用傳統越南拉茶的做法，茶味濃郁。由於採用了煉奶作為基底，甜度也較高 💖 🔥越式小食小食選擇了「黑糖無骨雞腳沙律」和「越南米紙雞絲春捲」。黑糖無骨雞腳沙律的份量相當足，足足有四只無骨雞腳，黑糖口味不太明顯但頗具彈牙口感。配搭的新鮮沙律菜更是為整道菜增添了清新感 🥗 越南米紙捲略顯遜色。春捲的份量僅為一半，內餡主要是

晚飯時間，叫咗一碗豬頸肉扎肉牛肉豬肉碎撈檬粉，攞到面前，見到豬頸肉係一條條豬頸乾咁，只有牛肉同手撕雞，扎肉正常少少，味道勁普通，價錢$75/碗，完全唔值，唔建議食嘅一間餐廳

又到咗中午要搵食嘅時候。Al講可以由$300.，一個lunch到$100樓下都有。喺Airside 嚟講，food court係最優惠嘅可能因為今日落雨食飯嘅人比較多，花了一點時間找座位。因為近日去完台灣唔想再食台灣嘢，所以今次揀咗越南仔佢中午嘅套餐價錢亦都合理由$60至$80 我叫咗豬頸肉撈檬，朋友叫了辣雞扒豬扒雙拼撈檬豬頸肉亦都很脆很入味，但係估唔到辣雞扒只是辣醬在上面但以依個價錢嚟講不過不失。經開嘅話可以一試。

有食開其他分店，都知個餐牌複雜，問多兩句個收銀阿姐好唔耐煩....直頭唔想幫襯咁最後叫左海南雞飯轉雞脾，加20抵俾，飯有椰子香，雞滑肉嫩有肉味小食夠大份，沙律多菜絲，夠fresh唔會令人失望

22/9/2024📍越南仔 呢間分店係Airside嘅food court入面 估唔到舖頭細細 野食又唔錯喎⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨皇牌3+2撈檬粉 + 手撕雞沙律 +手撕雞檬紙卷（$95）總共有5款肉係入面 鋪滿成個碗面 好有誠意！包括手撕雞、豬頸肉、脆豬肉、扎肉絲、烤牛肉 全部都做得唔錯 好入味～檬粉好大碗 食得好滿足☺️另外嘅沙律同米紙卷都ok嘅 不過就好似將撈檬嘅食材拆開嚟食咁 冇乜特別 米紙嘅皮偏厚✨鮮水果茶（+$25）得兩片檸檬同青瓜係入面 同想像中嘅水果茶好大出入😂只係普通茶✨法式芝心蝦多士（+$55）同港式蝦多士唔同 呢款似炸蝦餅多啲 唔係好食得出麵包嘅口感 但表面都係脆嘅中間嘅芝士好流心👍可以試下✨海南雞配黃薑飯（$68）份量好多 啲雞好滑 唔會淨係得皮黃薑飯好入味 好過平時嘅油飯 無咁油膩跟餐嗌左冬陰公湯 夠曬辣食得太油清清喉嚨啱啱好呢個價錢係Airside 好抵食👍✨凍鹹檸七（+$5）有檸檬同青檸🍋 唔錯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯最後埋單～$250（冇加一）撈檬同海南雞飯都好食😋但其他野就冇乜特別 但絕對唔伏 係food court食到呢

處於foodcourt內food court環境都不錯 寬敞開揚 不過人多時 條走廊人來人往 叫餐點餐取餐就有d狹窄個個都叫海南雞飯呀媽都話d雞肉軟熟新鮮係不錯的另外叫左個3+2撈檬份量好大碗下 （有手撕雞，豬頸肉絲，脆豬肉，札肉，烤牛肉）脆豬肉如可以炸得無咁乾+膿 軟熟d會更加好整體都唔差既不錯的選擇

今次去啟德先知，原來呢度都有food court同屋企人坐低決定食呢間越南菜好耐之前食過旺角分店 印象中好好食/ 海南雞黃飯/＄79雞肉嘅份量幾多 肉質滑嫩鮮甜 另外雞皇飯都好有咬口 配埋醬汁剛剛好/ 手撕雞檬紙卷 /手撕雞有預先調味 加埋蔬菜同米紙成個感覺好清新好爽脆 夏天食呢個真係爽/ 冰鎮蜜糖凍蕃茄/2015年台灣高雄啤酒節得獎菜當然要叫埋呢個試吓原個蕃茄預先去皮 加上酸酸甜甜嘅醬汁好清新好好食！會想為咗呢個再嚟食多次

越男仔 Express 開到來啟德！食物款式選擇多～性價比高👍🏻⭐️招牌精裝海南雞配黃薑飯配黃薑飯配雞腳湯～雞肉滑嫩！黃薑飯淡淡香味⭐️雙層芝土烤牛+豬頸肉撈檬粉牛肉味濃香！配上芝士夠惹味配埋即叫即炸🥢外脆備嫩豬頸肉！撈檸口感豐富～加入青瓜、甘筍、沙律菜落埋酸甜醬汁～醒胃提神⭐️小食：百手撕雞沙律+手撕雞檬紙卷好岩夏天食！夠哂清新開胃⭐️凍椰香漏漏啡飲落椰香味出夠滑口 #devietson #越男仔 #越南美食 #越男仔九龍城店 #九龍城美食 #香港越南餐廳 #香港越南菜 #香港越南美食 #香港越南粉 #香港越南粉九龍城📍九龍城啟德協調道2號AIRSIDE 5樓L504-L505號舖FOODMUSE內

原本諗住晚上頹頹地食food court，估唔到又搵到好野喎！ 一人一個餐，真係食到捧住個肚走！招牌精裝海南雞黄薑飯 💰79 ＋配雙拼小食 黑糖無骨鳳爪沙律💰33 ＋越式炸春卷(2件)💰8  無骨鳳爪🦵🏻有四大隻，入味又爽口，配埋啲沙律🥗酸酸味味，好開胃，再有黑糖甜味好有驚喜，作為頭盤一流。 一到餐就知掂喇，勁香雞味🐔，夾埋蔥油🧅，勁啱送飯🍚。 炸春卷用的越南米紙好薄好脆，餡料嘅魚露味好香，點埋少少檬汁成件事就更完滿喇～ 牛豬蕃茄湯檬粉💰108 ＋配雙拼小食 手撕雞沙律 手撕雞紙卷(2件）💰33  呢個檬粉滿滿的肉🥩肉🍖肉🥩肉🍖肉，有牛🐮🥩，豬頸肉🐖，豬扒🐷，食肉獸嘅大愛😋，佢嘅酸酸咪咪好開胃既蕃茄湯🍅🍲令我食極都仲食得落，很不錯。 手撕雞紙卷🐔🍗嘅皮煙煙韌韌好彈牙，配上手撕雞煙韌嘅口感，再加埋檬汁酸酸甜甜，推薦！沙律佈滿手撕雞，肉質好腍，正！  再去指數:🍚🍚🍚🍚🍚

講開食越南嘢，唔知你哋會諗起邊間呢？我諗喺香港講到數一數二有分店嘅越南菜都唔算太多，越男仔就係喺我印象中深刻嘅其中一間越南菜。住喺沙田嘅我成日都會去麗城花園嗰間分店度食，今次出到嚟啟德，聽講佢呢度有個food hall又大又舒服,上到去聞到一陣好熟悉嘅味道，似我食開嗰間越南粉！呢度嘅食物都相對地便宜，一大個飯跟兩款小食飲埋嘢都係幾十蚊。🐔招牌精裝海南雞黃薑飯必須要再三更強調，佢呢度嘅海南雞汁真係好好食！佢哋嗰個醬汁好食到一定問佢攞多一碟雞肉嫩滑，黃薑飯有好香濃嘅椰漿味份量都好大份，另外仲有一個雞絲沙律同埋檬粉米紙卷送❤️🐷牛豬蕃茄湯檬粉湯底係用蕃茄製作非常濃鬱！有蕃茄洋蔥紅蘿蔔等等嘅配料烤牛肉、生牛肉、豬頸肉、豬扒嘅份量都唔少套餐裏面仲有兩款小食送，我都係揀咗檬粉米紙卷同埋雞絲沙律一碗粉其實幾乎兩個人都夠食🫶🥤龍眼梳打青檸梳打龍眼梳打裏面真係有好多龍眼肉，青檸梳打就有一個青檸檬，唔會太甜香港真係有好多值得我哋支持嘅小店默默耕耘🫶希望你哋大家都鍾意睇我呢篇介紹啦🫶

1）招牌精裝海南雞配薑黃飯海南雞好滑好滑，啖啖肉，配埋薑黃飯一流，極香。真係好鍾意食海南雞飯，好香好好味😋⋯⋯2）鎮店四烏酸湯濛粉啖啖肉，勁香勁好食，係味覺嘅享受。酸湯濛粉好正，配埋一齊食好爽皮皮，酸湯濛粉真係好開胃……3）豬頸肉檬粉豬頸肉好香好彈牙，配濛粉好吸引……連埋啲湯好正斗……4）龍眼冰哩個龍眼冰最難忘，勁足料勁多粒龍眼，味道好好味，飲完覺得個人好滋潤，實會好好瞓……整體嚟講，嘢食正，嘢飲正，對得住個價錢，唔錯👍🏻

本身諗住食food court隔離的鮨點，但午市好多人，等唔到位，唯有近近地轉食food court。睇中food court入面呢間越南嘢，望落賣相唔錯，所以叫咗個皇牌3+2撈檬粉。重點係：未食已經見到條好好好長嘅頭髮，即刻唔多開胃！🤢奈何午市太多人，本身等出餐已經等咗好耐，再拎返去換就趕唔切返公司，唯有避咗嗰part唔食啦。結果，豬頸肉絲、腍豬肉、烤牛肉都過乾同過鹹，送嘅飲品又只得檸茶、檸水揀，其他要加錢，整體嚟講CP值好低！

位於Airside foodcourt有不同選擇的美食，呢排食得太多放題和西餐，今日清清地，食越男仔😆呢度人流都比較多，等位都要時間，建議大家搵咗位先去買嘢食✨🌟鎮店四鳥「鎮店四鳥」係越男仔招牌菜之一🫶🏻將四種不同烹調方式的雞肉融合一起，呈現出層次豐富的口感👍🏻有酥脆雞皮，鮮嫩多汁手撕雞肉，彈牙雞件，香脆炸雞，正🤤搭配上清爽可口的椰汁酸湯和檸檬粉，令人胃口大開💗🌟招牌手撕雞＋札肉手撕雞肉鮮嫩多汁，吸收酸甜咸味的椰汁酸湯醬汁，十分開胃🫶🏻再搭配上札肉，雖然唔係好厚切，但鮮味十足✨檬粉爽口彈牙，份量不少👍🏻🌟椰汁冰清爽的椰汁奶味甜味，加入冰塊，清新怡人，口感順滑，沁爽可口，炎熱天氣下的最佳解渴飲品🥤🌟青檸冰幽香濃郁的青檸汁，散發出清新酸甜✨清涼解渴，清爽透心👍🏻