影片
港铁铜锣湾站 A 出口, 步行约4分钟
继续阅读
电话号码
24907128
营业时间
今日营业
06:00 - 18:15
星期一至日
06:00 - 18:15
*(17:30截单)
以上资料只供参考，请与餐厅确认详情
餐厅食物质素不错，曾与朋友食过牛扒晚餐，坐得舒服，感觉温馨。但是，隔几天后经过铜锣湾，一个人顺道入去食个午餐，见到餐厅都系6成full，而且中间有几张枱（长台8人座，可间开4个位，非卡位）都系吉，某位女店员（头发到颈左右）见到我坐落一张台后，唔知系咪见我无「搭台」，即刻黑口黑脸，将个手机QR Code单「掟」落嚟比我，我拣紧果阵，仲急住问我食咩，我答佢「自己落得喇，我好快食完㗎」，佢仲要回应「好呀好呀」，不知几想您快d走咁款。我份人就好识做嘅，您个饭唔使2分钟就送到，我就用8分钟时间就食完，点知您杯野饮都未到。隔咗一阵，另一女店员就走埋嚟，话无热朱古力，叫我转野饮，我就饮热柠茶啦咁，跟住即刻见到师父用手「乸」几块柠檬落去个杯度，哗，真系难怪你间餐厅开系铜锣湾，午市晚市都系得咁上下人流。总之，无下次啦。附近仲有唔少港式扒房拣，我个位留比你地d熟客得啦，唔阻你做生意了。😆
继续阅读
我好钟意食西餐，食过好多唔同嘅西餐、CAFE、扒房。我发现而家啲餐厅好多都食物质素唔多掂，但系收嘅价好离地。寻寻觅觅，终于俾我揾到呢间又有质素，价格又适宜嘅餐厅。餐厅位置喺鹅颈桥隔离，属于好地段，但系就系因为系楼上铺，所以难揾啲。啲位都好大好舒适，坐耐啲都唔会唔舒服。我叫咗铁板西冷扒，拣咗五成熟。酱汁就拣咗黑椒汁。好多餐厅都唔识处理牛扒，一系整得太柴，一系整得太霉。呢间餐厅就唔同，厨师手势好掂，块扒煎得好香口，肉质好软熟，好浓牛味。而且块扒腌制得好适宜，好好味。每一啖都正，唔会有啲部位柴，有啲就软熟咁参差。我个friend就叫咗三文鱼卡邦尼意粉。又大份又整得好食，而且摆盘又好睇，好适合打卡。啲酱汁校得好浓稠，又加咗啲芝士粉，好好味。有香浓酱汁嘅意粉加上烟三文鱼，个配搭好正。价钱适宜同唔加一值得一赞👍🏻
继续阅读
好好味wo，平时食开金X 同 花X 餐厅，见网上有人讲，今次试下不错wo叫左西冷牛扒 同 肉眼牛扒，忌廉汤好creamy，肉眼五成熟好嫩口，个西冷有少少筋位但都唔会嚼唔烂𠮶只，个薯条唔会好似平时食开个啲腍晒甘。饮品仲可以选择浓啲淡啲完全可以跟随个人口味自己选择👍🏻👍🏻👍🏻最开心系佢有甜品，系啫喱或者芒果布甸，童年回忆番晒黎，价钱又差唔多，如果喜欢港式西餐厅非常推荐👍🏻👍🏻环境座位仲好舒服，有好多卡位
继续阅读
Cp 值高！港式食物。有餐汤配蒜茸包，个蒜蓉包好食！好脆！又香！配汤系正嘅。🥖🫕个焗猪扒饭系炒底，有诚意。食扒餐有甜品送，虽然唔系咩特别野，但港式系有种浪漫🌹，花边杯(虽然系胶嚟嘅😂)用咗应该系奶茶杯只碟放好，加多个花奶系侧边。而块扒好厚，好满足到想食港式扒嘅人。隔离枱三位男士都讲，一人八十蚊左右抵丫。😂空间亦好好，多卡位，坐得舒服。😊位置确实唔起眼系出面好似连招牌都无，要行到大厦入面先见到，低调高手😎
继续阅读
夜晚放工经过鹅颈桥，上OpenRice睇有咩食，见到有间花都餐厅可以食扒，就走咗上去试下佢嘅铁板扒。间餐厅灯光昏暗都几有格调，地方阔落舒服，适合食饭倾偈。啲侍应热诚有礼，招呼好好。我order咗铁板西冷，因为铁板会持续加热，5成熟对我嚟讲啱啱好。首先送到嚟系忌廉汤，个汤口感绵滑，忌廉浓郁，饮落去暖笠笠，好好味。跟住开始食扒，块扒好大份，我一个大男人都可以食得好饱。块扒够软嫩，个面又煎得好crispy，啖啖肉，口感好好，满足到我味蕾嘅享受。收工梗系要啤一啤，食住扒叹白啤，真系好满足！总括而言，无论食物质素、服务态度、环境舒适度，全部都好过一般嘅港式扒房。我觉得无论系放工之后，定假日嘅夜晚，都好值得喺依间餐厅食扒。
继续阅读