196
7
5
| Restaurant: | Chinesology |
|---|---|
| Offer: | Cathay members can earn up to HKD4 = 2 miles with the Asia Miles by Cathay app. T&C apply. |
|
Terms & Details:
|
|
|
|
Video
4-min walk from Exit F, Hong Kong MTR Station
continue reading
Telephone
68092299
Introduction
Chinesology – to describe and redefine Chinese cuisines through Presentation, Concept, Happenings and Offerings. Chinesology creates a wide range of familiar yet unexpected Chinese cuisine with imagination, redefining Chinese dining experience. Apart from dining, guests must not miss the amazing bar area! Chinesology also offers special cocktails with different crossover menus, brining endless surprises to everyone!
continue reading
Additional Information
Cocktail available from 9pm
Opening Hours
Today
12:00 - 15:00
18:00 - 22:00
Mon - Sun
12:00 - 15:00
18:00 - 22:00
*Mon to Fri Lunch Last Order: 14:30 Sat, Sun, PH Lunch Last Order: 15:00 Dinner Last Order: 21:30
Above information is for reference only. Please check details with the restaurant.
Offers
| Restaurant: | Chinesology |
|---|---|
| Offer: | Cathay members can earn up to HKD4 = 2 miles with the Asia Miles by Cathay app. T&C apply. |
|
Terms & Details:
|
|
|
|
餐廳裝潢華麗典雅，融合現代與東方美學，燈光柔和，營造出低調奢華的氛圍。餐廳主打新派中式料理，在傳統粵菜基礎上加入創新元素。配紅酒，一流。⭐️慢煮九層塔蟶子皇一上桌就令人眼前一亮，煙霧下，蟶子肉厚實鮮甜，搭配泰式九層塔和孜然調味，清新開胃。 ⭐️前菜三弄櫻桃蘿蔔醃得酸甜爽脆，開胃解膩；三絲海蜇** 爽口彈牙；風乾醬香鵝翼肉質緊實，醬香濃郁，越嚼越香。 ⭐️金腿雪燕烏雞羹這道湯品用料十足，烏雞熬煮出濃郁膠質，金華火腿增添鹹香，雪燕滑嫩，滋補養生，每一口都是精華。⭐️脆皮海參•鵝掌 是今晚的驚喜之作！海參外層裹上台灣竹炭粉炸至酥脆，內裡仍保持軟糯，搭配秘製醬汁和燜煮入味的鵝掌，層次豐富，創意十足。 ⭐️珍寶珠造型可愛，士多啤梨雪葩酸甜清新，搭配桃膠啫喱，口感豐富。 ⭐️潮式老菜脯蒸鱈魚鱈魚肉質細嫩，老菜脯的鹹香滲入魚肉，簡單卻見功夫，鮮味十足。 ⭐️胡椒香蔥生煎雞選用走地雞，雞皮煎得香脆，肉質嫩滑，黑胡椒和香蔥的辛香惹味，鑊氣十足，配飯一流。 ⭐️花膠蝦湯稻庭麵蝦湯濃郁鮮甜，花膠厚身軟滑，稻庭麵吸盡湯汁精華，每一口都充滿海洋的鮮味！ ⭐️雲石奶凍黑芝麻與奶香的完美結合，口感細滑，甜度適中，芝麻香氣濃郁卻不膩，令人回味。
continue reading
終於去食呢一間book mark咗好耐位於IFC嘅高級中餐，首先一入餐廳就俾佢長而又華麗嘅走廊吸引🤩再入到餐廳裝修風格好奢華，仲可以睇到維港景色。今晚揀左食「世味人生」餐，共有9道菜。職員會好貼心問飲咩茶同上左碟我覺得幾好食的腰果，仲好主動幫我同我朋友影合照👍👍慢煮九層塔蟶子皇配上乾冰的白煙，令到上枱好有儀式感，蟶子皇已經整到一小口方便入口，新鮮彈口，同個九層塔味好夾。前菜三弄：櫻桃蘿蔔，三絲海蜇，風乾醬香鴨翼蘿蔔好開胃，海蜇夠爽口，最欣賞個鴨翼係拆曬肉，食入口可以啖啖肉，唔需要擔心有骨。金腿雪燕烏雞羹食得出係心機菜，烏雞味好出，雪燕增加個口感。脆皮海參 鵝掌個鵝掌炆到好淋好入味，好黏口；脆皮海參真係今晚大推之一，唔好睇個外表唔靚，佢外表整到脆身，再包住好淋的海參，做到外脆內軟，呢個食法我覺得好新鮮🥰🥰珍寶珠係用士多啤梨Sorbet整到好似一枝珍寶珠，俾我哋清新一下味蕾。潮式老菜脯蒸鱈魚魚肉好嫩滑，佢個菜譜加埋嗰油好香。胡椒香蔥生煎雞職員會喺你面前再爆鑊炒香，超多香蔥，而且個雞肉算嫩滑。花膠蝦湯稻庭麵勁大塊炆到好腍嘅花膠，配上大塊蝦乾去整個麵，麵吸晒啲精華。雲石奶凍原來即係芝麻糊奶凍，只係少少甜，奶凍好幼滑，再滲出淡淡嘅芝麻味，為呢一餐作咗一個完美嘅總結。另外我哋都嗌咗杯白酒同香檳，配食呢一餐真係好夾。總括黎講，呢度環境真係好奢華優美，職員服務態度好，又夠細心主動。
continue reading
餐廳裝潢高雅別緻，設有大片落地玻璃，一望無際嘅海景盡收眼底。座位間隔寬敞，私隱度十足，係同朋友輕鬆享受一頓精緻中菜晚餐嘅理想選擇。世味人生set **慢煮九層塔蟶子皇** 作為頭盤，呢道菜相當有誠意。蟶子鮮甜爽嫩，口感煙韌，嚐得出極高嘅新鮮度。搭配獨特嘅九層塔醬，清新嘅香氣同海鮮嘅鮮味互相襯托，層次分明，令人眼前一亮。 **前菜三弄：櫻桃蘿蔔 • 三絲海蜇 • 風乾醬香鵝翼** 櫻桃蘿蔔酸香爽脆，一入口已經瞬間喚醒味蕾。海蜇與翠綠節瓜絲、魚子一同呈上，口感豐富，清新怡人。鵝翼經風乾處理，咬落去濃郁醬香撲鼻，微辣調味恰到好處，整體前菜既精緻又開胃。 **金腿雪燕烏雞羹** 烏雞湯溫潤滋補，鹹香由金華火腿帶出，湯頭被打磨得細膩順滑。表面點綴雪燕，進一步提升湯品嘅滋陰效果。底層加入黑芝麻糊，濃濃堅果香氣與雞湯完美融合，每一啖都係層層遞進嘅味覺享受。**脆皮海參 • 鵝掌** 呢道必試推介，主角係炸至酥脆嘅海參。廚師特別用台灣竹炭粉做炸衣，入口酥香鬆脆，內裏海參保持咗啫喱狀嘅彈性，與外層形成強烈對比。搭配用濃湯熬製嘅骨膠原醬汁，無論視覺定味覺都極具衝擊力。 **珍寶珠** 餐廳自家製嘅士多啤梨雪葩，甜味天然無加糖，清新怡人。建議一齊配搭桃膠食用，冰凍雪葩與入口即化嘅桃膠口感互補，好似一道輕盈又優雅嘅甜品，完美為下一道菜預熱味蕾。 **潮式老菜脯蒸鱈魚** 鱈魚油脂豐厚，魚肉細嫩滑口，帶有淡淡清甜。以老菜脯蒸煮，加入南瓜粒點綴，既有海洋嘅鮮味，又滲出田園般嘅甜香。老菜脯嘅鹹香微妙地貫穿整道菜，令整體層次更加豐富。 **胡椒香蔥生煎雞** 以胡椒、香蔥、薑頭等香料爆香打底，砂鍋上枱香氣四溢。雞髀肉嫩滑入味，香蔥帶出一種自然清香，配合爆炒手法令雞肉更加惹味，香氣同味道都非常突出。**花膠蝦湯稻庭麵** 湯底用蝦長時間熬製，鮮香濃郁，每一啖都係濃縮咗嘅海洋精華。配料用上大塊花膠同瀨尿蝦乾，膠質十足，口感豐富，補而不膩，係一道非常有誠意兼養顏嘅主食。**雲石奶凍** 黑芝麻雲石奶凍滑溜細膩，濃郁香滑，入口即化。作為整個套餐嘅終章，恰到好處，為整晚嘅味覺旅程劃上柔和而滿足嘅句號。
continue reading
今日老細請食飯，去咗中環IFC嘅唐述， 揀咗佢哋嘅套餐，套餐包咗九道菜，有前菜到甜品包羅萬有，非常滿足😆😆慢煮九層塔蟶子王蟶子非常大，而且用咗慢煮方法，所以非常爽彈，搭配九層塔，香氣十足，有啲似意大利青醬，但係冇芝士，所以九層塔味更加濃！🌿🐚🌱前菜三弄櫻桃蘿蔔：清脆爽口，酸甜可口，為前菜增添清新感。三絲海蜇：海蜇質地滑嫩，搭配特製醬汁，味道鮮美，而且裏面有萵筍絲，口感更加豐富風乾醬香鵝翼：鵝翼經過醃製，風味濃郁，肉質鮮嫩，是完美的下酒小食！🥢金腿雪燕烏雞羹濃湯用烏骨雞熬製，搭配金腿和雪燕，湯底濃郁而滑順，暖心又滋補！🍲脆皮海參。鵝掌海參鵝掌就食得多，脆皮都係第一次，脆皮海參外層香脆，內裡滑嫩，口感豐富，至於鵝掌火候非常之夠，可以達到入口即溶嘅境界👌🏻🐢珍寶珠自家製的雪葩，口感清爽，底部有桂花膏，算係一個中間間場嘅小食！🍧潮式老菜脯蒸鱈魚蒸鱈魚用潮州風味的老菜脯，魚肉鮮嫩，菜脯的鹹香味道讓整道菜更添層次，魚皮充滿非常多嘅膠質，正！🐟胡椒香蔥生煎雞這道生煎雞使用自由放養的雞肉，搭配黑胡椒和蔥，炒至香氣四溢，肉質鮮嫩，而且呢度菜會有直前料理，店員會喺你面前用燒熱咗個砂鍋將佢再炒香，跟住再幫你分埋！🍗花膠蝦湯稻庭麵這款湯麵搭配花膠和稻庭麵，湯底以蝦熬製，味道鮮美，麵條滑順，花膠嘅厚度非常足夠，係一碗誠意滿滿嘅湯麵！🍜雲石奶凍這款黑芝麻奶凍口感滑順，香濃的芝麻味讓人回味無窮，是一道完美的餐後甜品！🍮
continue reading
今日同朋友約左去唐述食晚餐，貪呢度環境靚傾計舒服！夜晚有呢個「世味人生」菜單，結合中西風味，用料同烹調都好有心思，適合想試新口味嘅人。無論係平時食飯定係有特別嘅日子，呢度都係一個唔錯嘅選擇。慢煮九層塔蟶子皇呢道冰鎮巨型蟶子皇清新開胃，泰式羅勒同孜然嘅香氣好特別，蟶子肉質鮮嫩，微辣嘅調味好開胃，係一道好正嘅前菜。 前菜三弄：櫻桃蘿蔔、三絲海蜇、風乾醬香鵝翼前菜三拼各有風味：櫻桃蘿蔔酸甜爽脆，好解膩；三絲海蜇彈牙，清涼中帶點海鮮鮮味；鵝翼好入味，肉質軟嫩，醬汁濃郁，食完想再食。 金腿雪燕烏雞羹呢碗烏雞羹好溫潤，金華火腿嘅鮮香同雪燕嘅膠質令湯汁濃而不膩，飲落暖笠笠，滋味十足。 脆皮海參-鵝掌酥脆海參配秘製醬汁，外皮香脆，內裏軟糯，鵝掌Q彈，兩者好夾。醬汁濃郁唔膩，帶出海參嘅鮮味，真係令人驚艷。 珍寶珠自製雪葩好清新，果香濃郁，入口即化，清潔味蕾之餘，又為主菜做好準備，簡單但好滿足。 潮式老菜脯蒸鱈魚** 清蒸鱈魚配醃菜，魚肉嫩滑，醃菜嘅酸鹹味中和咗魚腥，簡單烹調突顯食材原味，健康又好食。 胡椒香蔥生煎雞砂鍋黑椒走地雞香氣四溢，雞肉嫩滑多汁，黑椒同韭菜增加咗辛香層次，熱氣騰騰，好香口。 花膠蝦湯稻庭麵花膠蝦湯稻庭烏冬湯底鮮甜濃郁，花膠好大塊又軟糯，烏冬滑嫩，吸咗湯汁後更加美味，暖胃又滿足。 雲石奶凍黑芝麻奶凍好滑嫩，芝麻香濃郁，甜度啱啱好，為整餐畫上完美句號，食完真係回味無窮。 食飽飽真係覺得呢間餐廳幾好食，由前菜到甜品都好有層次，環境同服務都唔錯。喺慶祝嘅日子來，氣氛幾好，係一個愉快嘅體驗。下次有特別日子，會再考慮過來。
continue reading