Video
Telephone
25056933
98186528 (WhatsApp)
Opening Hours
Today
11:00 - 16:00
17:00 - 23:00
Mon - Sun
11:00 - 16:00
17:00 - 23:00
Above information is for reference only. Please check details with the restaurant.
About Reward Scheme
Offers
朋友帶咗我去元朗呢間燒烤放題，午餐$138/位任食2 小時，仲可以加錢一次過食到燒烤+火鍋+刺身，百幾蚊位呢個價錢真係幾經濟抵食，唔怪得平日午餐都好多家庭客& 學生來。自助區乾淨企理，分多個區域擺放食物，食物選擇算多。燒肉烤爐會有牛油紙可以自己換，烤肉冇咁容易燶，打邊爐嘅湯底都可以在自助區取。✨燒烤/ 火鍋配料區：✨燒烤肉類有各款豬、牛、雞、魚等，有唔同嘅醃料醃製，我自己就鍾意韓式醃豬扒同埋魚柳。亦有多款火鍋配料例如肥牛、丸類、豆卜、菇類、蔬菜等。✨刺身區/ 壽司區：✨刺身有赤蝦、三文魚、吞拿魚、希靈魚、榮螺片等，赤蝦大隻又鮮甜，我encore左幾次（刺身每次只限選3 款而赤蝦只限一隻）✨前菜沙律/ 冷盤區：✨沙律菜配料幾新鮮，冷盤區亦有不少開胃菜。✨小食/ 炸物/ 熱葷/ 點心區：✨蒸點心有我鍾意嘅魚肉燒賣，亦有不少街頭小食，香脆可口嘅炸物，還有老火湯、碗仔翅等。✨飲品區：✨各式飲品汽水/ 啤酒都有，最喜歡佢個花茶區，可以自選材料沖泡花茶，推介加少少洛神花，酸酸地很解渴消滯。✨甜品區：✨有唔少啫喱、奶凍，仲可以自己整涼粉冰粉甜品。
continue reading
《午市任飲任食燒烤+火鍋+刺身》校長燒肉喺元朗已經好耐，以經濟抵食聞名，今日同朋友諗唔到午餐食咩，就走咗去校長任飲任食😂。如果淨食燒肉放題就$138食90分鐘，加$20可以食埋火鍋，同埋食多30分鐘，再加40就可以食埋刺身。真係豐儉由人，任君選擇。一於一次過，燒烤➕火鍋➕刺身，食個豐富嘅午餐😋🕙兩個鐘任食🥗自助區有各款沙律、熱盤、蒸點心燒賣粉果等🥟街頭小食：碗仔翅、茶葉蛋、炸物等等🍖燒烤及火鍋肉類都好多選擇 ，雞件、雞翼、雞腎、豬扒、豬頸肉、牛肉、魚、丸類🔸打邊爐自助形式加湯底，有日式豬骨湯、日式清湯、壽喜燒湯🥬仲有幾款蔬菜、雞髀菇、金菇、炸枝竹等🦐刺身有牡丹蝦、三文魚、吞拿魚、玉子燒、希靈魚、榮螺、蟹柳🍣壽司、卷物🍧甜品、糖水，綠豆沙、雪耳糖水，仲可以自己炮製冰粉同涼粉，加唔同配料，有椰果、芋頭、水蜜桃、西米等🔸飲品方面有清酒、梅酒、啤酒、罐裝汽水、紙包飲品🔸仲可以沖花茶我地每款肉都夾少少去燒烤，肉類調味唔錯，火鍋嗰邊就主力淥菜，平衡下味蕾，刺身牡丹蝦同三文魚都好肥美。午市都幾多人，尤其學生哥，原來學生有優惠。職員話雞煲任飲任食都好抵$98食3個鐘，下次挑戰～
continue reading
新的一年開始, 當然要約老友出來聚下, 今次同友人揀左呢間集燒肉和打邊爐於一身的校長燒肉, 呢度食物多元化, 肉類仲會不時更新, 又有刺身、壽司、熟食、甜品、炸物、湯、飲品、雪糕等自取食物區好大, 生熟食物加埋起碼過百款, 肯定梗有一款岩你口味燒烤選擇真係好多, 有椒鹽雞軟骨、韓式雞軟骨粒、土匪雞中翼、水牛城雞中翼、雞扒、牛扒、豬扒、豬頸肉、一口牛同埋魷魚等等, 真係好豐富！土匪雞中翼-肉質帶嫩, 很香。一口牛粒-牛肉味幾重, 有咬口牛油粟米以鍚紙兜盛載, 烤爐加熱後享用, 別有一番風味 如果鍾意打邊爐, 呢度都有各種丸物同埋五花牛、五花豬、魚片頭等等肉類供你選揀飲品方面有罐裝汽水, 紙包飲品、果汁、啤酒 、梅酒、 清酒等 沙律吧和前菜小吃都有很多選擇, 十分豐富刺身方面, 有三文魚、虎蝦、帶子、希靈魚等，三文魚肥美肉質鮮甜, 虎蝦好爽彈 牙, 非常新鮮熟食炸物區, 有春卷、洋蔥圈、麥樂雞, 還有炸魚皮, 全部放在熱爐下一直保持溫度, 依然熱辣香脆點心有蝦餃、燒賣、牛肉球、珍珠雞、粉果等最後, 當然要食甜品, 有啫喱、大菜糕、藍莓乳酪、榴槤布甸、西米露和雪糕等等, 真係好多款可以選擇呢家正日生日仲可免費, 認真抵
continue reading
$168就可以任食燒烤火鍋壽司刺身甜品飲酒多款熟食沙律太超值！.呢間性價比太高了！大卡位坐得舒服😌一入到去已經見到超多款壽司同剌身😍意外地高質新鮮👍🏻掃完一轉沙律吧，就開始試下熟食，太多款了吧！多款炸物炸得香脆，仲有甜酸魚、茄子、海南雞、冬瓜盅等等，多到食不完🤣.食完幾round都半飽，終於開始燒烤🍗最愛食雞扒和金沙骨，這裡好貼心會用牛油紙，燒得健康👍🏻仲有得打邊爐🍲太豐富了吧，三款湯底選擇，不停食肥牛太滿足😌.最後仲有甜品雪糕，自製涼粉冰超正，勁多款飲品，連泰式奶茶都有😍啤酒梅酒清酒任飲，呢個價錢真係不得了！難怪咁好生意，食物質素高又咁抵，環境又OK，一定會再幫襯👍🏻
continue reading
元朗的校長燒肉放題絕對係高性價比之選，價錢相當實惠，卻提供多元化選擇，無論火鍋、燒肉定熟食都一應俱全。燒肉部分款式多樣，肉質新鮮，醃料惹味；火鍋材料亦相當豐富，海鮮、蔬菜、丸類樣樣齊，湯底選擇亦不少，配搭自由。熟食區驚喜不少，例如炸物、小炒、炒飯等都保持熱辣新鮮，適合唔同口味嘅客人。場內空間寬敞，氣氛輕鬆，非常適合一家大細一齊享受。值得一提係職員服務態度良好，補貨快，最重要係清潔做得好，枱面同夾子不時有人整理，令整個用餐環境更加衛生舒適。整體而言，校長燒肉放題係一間好食、抵食又安心的放題好去處！
continue reading